|
A Concellaría de Medio Ambiente Urbano e a empresa Cespa continúan esta semana cos zafarranchos de limpeza nas rúas da cidade. Como anunciou o concelleiro Raimundo González Carballo, estes zafarranchos teñen carácter semanal para manter en condicións hixiénicas todas as rúas da cidade. Nesta ocasión as zonas que se someterán a esta limpeza en profundidade son a praza de Ourense (de preferencia peonil) e Cobián Roffignac (onde non é preciso restrinxir o estacionamento porque é carga e descarga). A limpeza desenvolverase tanto na calzada como nas beirarrúas co uso de varredoras, máquinas de auga e limpeza a pé. Con respecto aos zafarranchos de limpeza, a Concellaría de Medio Ambiente Urbano acordou que se fixeran nas noites dos mércores a xoves, e de xoves a venres en distintas rúas da cidade, combinando espazos peonís con espazos de tráfico co obxectivo de prexudicar o menos posible á circulación ou estacionamento na rúa. Fuente: Ayuntamiento de Pontevedra
| 
