|
A Concellaría de Benestar Social, Educación e Vivenda, que dirixe Margarita Castejón García, convoca ós responsables técnicos e políticos das distintas áreas do Concello, así como ós representantes das asociacións de discapacitados físicos e representantes de asociacións comerciais, culturais, deportivas, etcétera, a participar no “Seminario de Accesibilidade Universal: Concellos para todos” que organiza conxuntamente co Real Padroado sobre Discapacidade (organismo autónomo do Ministerio de Traballo e Asuntos Sociais), a Plataforma Representativa Estatal de Persoas con Discapacidade Física (Predif) e Vodafone.
O curso vaise celebrar durante os días 4 e 5 de novembro no seminario número 2 do Pazo da Cultura cunha duración de 10 horas durante os dous días. Será impartido por profesores expertos en accesibilidade, un representante de Vodafone España e un representante do Real Padroado sobre Discapacidade. A inscripción é de balde e o número total de prazas dispoñibles é de 30. Os interesados/as deben enviar un correo electrónico á dirección sdelrio@concellopontevedra.es no que deben indicar os seguintes datos: nome e apelidos, DNI, enderezo, código postal, teléfono, correo electrónico, actividade profesional e centro de traballo.
Fuente: Ayuntamiento de Ponferrada
| 
